Метаког Метриксээс харилцагч та нартаа мэндчилж байна. Бид шинээр ✉️ newsletter нэвтрүүлж байгаа бөгөөд 7 хоног бүр тогтмол явуулах болно. Хүний нөөцийн шинэ соргог мэдээллийг бид хүргэхээр зориж байна. Бидний newsletter “Таны мэдлэгт” “Metacog сонин сайхан“ “Хэрхэн хийх вэ?“ “Зүгээр л тоглоод үз“ “Hot News“ хэсгүүд багтах бөгөөд уншин таалан соёрхоно уу 👀.

Таны мэдлэгт

Ажилчдын санхүүгийн дарамт 💸💸

Индиана мужийн Ричмонд хотод байрладаг эрүүл мэндийн систем болох Reid Health нь COVID-19 тахлын үед эмнэлгийн зарим үйлчилгээг түр зогсоосон мөн хязгаарласан үед тэтгэврийн данснаасаа зээл авах хүсэлтэй ажилчдын тоо нэмэгдэж байгааг анзаарчээ. 

“Санхүү бол ажилчдын хувьд маш том стресс юм. Хэрэв ажилчид санхүүгийн хувьд сайн байвал ажил дээрээ илүү бүтээмжтэй байх болно гэдэгт бид итгэдэг. Тэд илүү аз жаргалтай байхаас гадна компаны эргэц ч багасна" гэж Рэйдийн тэтгэмжийн менежер Карен Мартин дурджээ.

Ажилчдын санхүүгийн дарамт улам бүр нэмэгдэж, ажил олгогчдын хувьд чухал асуудал болж байна. Bank of America-аас өнгөрсөн жил гаргасан судалгаанд АНУ-ын ажилчдын дөнгөж 42 хувь нь санхүүгийн байдал сайн гэж үнэлсэн нь сүүлийн 10 жилийн доод үзүүлэлт ажээ. 

Ажил олгогч яагаад анхаарах ёстой вэ? 2023 оны PwC-ийн судалгаагаар санхүүгийн асуудалтай байгаа АНУ-ын ажилчдын бараг 45 хувь нь ажил дээрээ байхдаа санхүүдээ санаа зовох үед тэдний анхаарал сарниж ажлын бүтээмж буурдаг гэж мэдэгджээ. Мөн санхүүгийн баталгаагүй ажилчид шинэ ажил хайх магадлал өндөр байдаг.

Санхүүгийн дарамтыг хөдөлгөгч хүчин зүйлүүд: 

• өндөр инфляци, 

• зээлийн хүү, 

• цалингийн өсөлт, зогсонги байдал 

  зэрэг нь ажилчдын санхүүгийн дарамтад нөлөөлдөг гол хүчин зүйл гэж тодорхойлсон. Залуу ажилчдын нэлээд хэсэг нь оюутны зээлийн өрийн дарамттай тулгардаг нь санхүүгийн асуудлыг улам хурцатгаж байна.

Сайжруулсан хэдий ч санхүүгийн хүндрэл: 

Инфляци буурч, сүүлийн үед цалингийн өсөлт олон ажилчдынхаас давсан хэдий ч ажилчдын нэлээд хэсэг нь амьдралаа залгуулах гэж тэмцсээр байна.

АНУ-ын өрхийн нийт өр өмнөх оны дөрөвдүгээр улиралд 212 тэрбум доллараар нэмэгдэж, 17.5 их наяд ам.долларт хүрсэн гэж Нью-Йоркийн Холбооны нөөцийн банкны мэдээлэв. Мөн оюутны зээлээс бусад төрөл бүрийн зээлийн өрийн үлдэгдэл нэмэгдэж эхэлсэн.

Чикаго дахь WTW-ийн санхүүгийн байдлын зах зээлийн удирдагч, ахлах захирал Марк Смречек хэлэхдээ: 

"Цогц мэдээллийн тусламжтайгаар ажил олгогч ажилчдадаа санхүүгийн зохицуулалттай тэдэнд ашиг тустай нэмэлт үйлчилгээ үзүүлэх шийдвэр гаргаснаар итгэлцлийг бий болгож чадна."

Тиймээс ажил олгогчид ажилчдын дундах санхүүгийн дарамтыг арилгах арга хэмжээ авч эхлэх хэрэгтэй болж байна.

Metacog сонин сайхан

Хэрэглэгчдийн санал хүсэлтийг бид хэлэлцэн авч платформ дээрээ сайжруулалт оруулсан байгаа.

Бидэнтэй уулзалт товлохыг хүсвэл энэ линк дээр дарна уу 👌

Хэрхэн хийх вэ?

Одоогийн байдлаар бараг бүх хүн л хиймэл оюун ухааныг туршиж үзсэн байх. Тиймээс эдгээр 5 шинэ зуршил нь AI-ыг бүрэн ашиглахад тань тусална. 

1. Хиймэл оюун ухаанаар хэмнэж буй цагийг үр дүнтэй ашиглаарай: Copilot гэх мэт хиймэл хиймэл оюун ухааны хэрэгслүүд нь хүмүүст даалгавраа хурдан гүйцэтгэх боломжийг олгож, бусад үйл ажиллагаанд цаг гаргах боломжийг олгодог. Хэрэглэгчдийн талаас зарим хувь нь энэ нэмэлт цагийг ажилдаа анхаарлаа төвлөрүүлэхэд зориулдаг ч нэлээд хэсэг нь нэмэлт уулзалтад зарцуулдаг бөгөөд энэ нь үр дүнгүй байх магадлалтай.

2. Зөөлөн ур чадвар нь одоо бүүр их л хэрэгцээтэй болсон: Удирдлага, харилцаа холбоо, манлайлал, багаар ажиллах зэрэг зөөлөн ур чадварууд хиймэл оюун ухаан хөгжихийн зэрэгцээ улам бүр эрэлт хэрэгцээтэй болж байна.Таныг ажлаас тань сатааруулдаг сайтуудаа ажлын цагаар блоклох

3. AI-ын хувьд үнэхээр тэнэг асуулт гэж байдаггүй: Microsoft Teams уулзалтууд дээр Copilot нь хувийн тустай чатыг үүсгэж хуурлын дундуур асуухаас эмээсэн асуултуудаа мөн асуух асуултуудын жишээг үүсгэхэд дэмжлэг үзүүлдэг. Энэ нь ажилчдад сэтгэл зүйн аюулгүй байдлыг бий болгож, ялангуяа хэлний бэрхшээлтэй тулгарсан хүмүүст ашигтай.

4. Үр дүнтэй мэдээлэл олж авахдаа бага цаг зарцуулаарай: Ажилтнууд ажил дээрээ мэдээлэл хайхад ихээхэн цаг зарцуулдаг. AI нь имэйл, уулзалтууд, чатууд, бичиг баримтууд гэх зэргээс эх сурвалжаас хайлт хийхэд цаг хугацааг багасгаж, бүтээмжийг дээшлүүлдэг.

5. Тархиа "тушаалын горим"-оос "ярианы горим" руу шилжүүлээрэй: Бид вебээс юм хайхдаа түлхүүр үг буюу албан үг хэллэг оруулах замаар юмаа хайж сурсан бол одоо хиймэл оюун ухаан ашиглахдаа бид харилцан яриагаар AI-тай харилцах хэрэгтэй.

AI-тэй ажиллах нь ажлын хурд, хурал дээр болж буй бүх зүйлийг боловсруулах, бүтээлч сэтгэлгээг тань нэмэгдүүлэхэд туслах маш тэвчээртэй туслахтай адил юм. Тиймээс өөртөө шинэ зуршил суулган AI-г үр дүнтэйгээр ашиглаарай.

Зүгээр л тоглоод үз ✌️

Ажлын хамт олонд зориулсан хөгжилтэй, бие биетэйгээ илүү дотно танилцахад туслах Бинго тоглоом. BINGO картаа бөглөх зуураа хамт ажиллагсадтайгаа нийлж, бие биеийхээ тухай хөгжилтэй фактуудыг мэдэж аваарай.

Hot News

“Сингапур 2025 онд гадаад ажилчдын цалингийн доод хэмжээг нэмэгдүүлнэ.” 

Сингапур улс гадаадын ажилчдын цалингийн босгыг нэмэгдүүлэхээр төлөвлөж байгаа бөгөөд ажилд орох эрхийн бичигт сард доод тал нь 5,600 сингапур доллар (4,170 ам. доллар) болгон нэмэгдүүлэхээр зорьж байна. унших

“Өөр хүн ажлаас халагдах нь Их Британийн ажилчдын идэвхжилд бага нөлөө үзүүлдэг.”

Culture Amp-аас хийсэн дүн шинжилгээ нь цомхотгол нь Их Британийн байгууллагуудын ажилчдын идэвхжилд хамгийн бага нөлөө үзүүлдэг бөгөөд ажлаас халагдсаны дараа оролцооны түвшин 66% -иас 65% хүртэл бага зэрэг буурсан бол АНУ-д ажилд орох түвшин 73% -иас 66% болж буурсан байна. унших

Rolls-Royce Submarines компани 200 ажлын байр бий болгоно.

Rolls-Royce Submarines компани Кардифф, Глазгоу хотуудад шинэ оффисуудыг байгуулж, 200 гаруй ажлын байр бий болгож, БХЯ санаачлагыг санхүүжүүлэхээр төлөвлөж байна. Энэхүү өргөтгөл нь Австрали, Их Британи, АНУ-ын хооронд байгуулсан гурван талт хэлэлцээрийн дагуу Rolls-Royce шумбагч онгоцонд цөмийн реакторын үйлдвэрүүдийг нийлүүлэх гэрээг баталгаажуулж байгаатай холбоотой юм. унших

Хэрэв танд Метаког Метриксийн 💻бэлдсэн newsletter таалагдсан бол ЭНД дарж нэгдээрэй 🤗!