Метаког Метриксээс харилцагч та нартаа мэндчилж байна. Бид шинээр ✉️ newsletter нэвтрүүлж байгаа бөгөөд 7 хоног бүр тогтмол явуулах болно. Хүний нөөцийн шинэ соргог мэдээллийг бид хүргэхээр зориж байна. Бидний newsletter “Таны мэдлэгт” “Metacog сонин сайхан“ “Хэрхэн хийх вэ?“ “Зүгээр л тоглоод үз“ “Hot News“ хэсгүүд багтах бөгөөд уншин таалан соёрхоно уу 👀.

Таны мэдлэгт 🧠

Үеүдийн хувьд 2024 оны ажлын байран дахь тэтгэмжийн чиг хандлага

2024 онд ажлын байран дахь тэтгэмж нь үеийнхний олон янзын хэрэгцээ, хүлээлтийг тусгаж хувьсан өөрчлөгдөж байгаа нь ажил эрхэлж буй 1000 америкчуудын дунд явуулсан иж бүрэн судалгаагаар тогтоогджээ.

😩 Gen Z болон Millennials ажилдаа сэтгэл хангалуун бус байдаг.

Ажлын сэтгэл ханамж нь ажилчдын оролцоог ойлгох гол хэмжүүрүүдийн нэг байдаг. Судалгаан дээрх тоо баримтаас харахад ажлын байран дахь сэтгэл ханамжийг дунджаар 10-аас 5.5-аар үнэлсэн байна. Ирээдүйн ажиллах хүчийг төлөөлсөн Z болон Millennials-ийн сэтгэл ханамжийн тоо нь дунджаас доогуур байгааг харуулж байна.

• Gen Z 10-аас дунджаар 5.2 оноо өгсөн

• Millennials сэтгэл ханамжаа 10-аас 4.6 гэж дүгнэжээ

• Gen X нь 10-аас 6.6-аар тодорхойлсон

• Baby Boomers 10-аас 5.6 оноо өгсөн бөгөөд

• Ажилчдын ердөө 16.2% нь ажлынхаа сэтгэл ханамжийг 8 ба түүнээс дээш гэж үнэлсэн нь санаа зовоосон асуудал болж байгааг онцлон тэмдэглэх нь зүйтэй.

Ажлын байран дээрх санаачилга 🧐

Ажилтнууд өөрсдийн сайн сайхан байдал, мэргэжлийн өсөлтийн төлөөх санаачилгад ач холбогдол өгдөг. Ажилчдаа нэн түрүүнд тавьдаг соёл, ажил амьдралын тэнцвэрийг үе үеийнхэн ажлын байран дахь маш үнэтэй тэтгэмж гэж үнэлдэг байна. Гэсэн хэдий ч, Z Gen нь тэгш байдлыг үнэлдэг бол Millennials олон талт байдал, тэгш байдал, хөтөлбөрүүдийг онцолдог гэж судалгаагаар гарчээ.

Хүний нөөцийн давуу тал 🏢

Уян хатан ажлын сонголтууд, эцэг эхийн цалинтай чөлөө, сэтгэцийн эрүүл мэндийн нөөц бол үеийн үед хамгийн үнэ цэнтэй ашиг тус юм. Судалгаанд хамрагдагсдын дийлэнх нь хувийн болон мэргэжлийн амьдралдаа тохирсон хувилбаруудыг урьтал болгосноор ажлын уян хатан зохицуулалтыг илүүд үздэг.

💯 Aжлын сэтгэл ханамжид хамгийн чухал ач холбогдолтой ажлын байрны тэтгэмж

Уян хатан ажлын сонголтууд, цалинтай чөлөө, сэтгэцийн эрүүл мэндийн нөөц бол бүх үеүдэд өндөр үнэлэгддэг тэтгэмж юм.

Сэтгэцийн эрүүл мэндийн ашиг тус нь 2024 онд бүх ажилчдын хувьд маш чухал

Ажлын байран дахь сэтгэцийн эрүүл мэндийн ач холбогдлыг үнэлж баршгүй. Ажилчдын нэлээд хэсэг нь сэтгэцийн эрүүл мэндийн үйлчилгээнд хамрагдах нь тэдний ажлын ерөнхий сэтгэл ханамжид чухал ач холбогдолтой гэж үздэг. Энэ нь ажил олгогчид ажилчдынхаа сэтгэл санааны хэрэгцээг хүлээн зөвшөөрч, шийдвэрлэх, дэмжлэг үзүүлэх, үр дүнтэй сэтгэцийн эрүүл мэндийн хөтөлбөрүүдийг хэрэгжүүлэх шаардлагатай байгааг харуулж байна.

• 34% нь дутуу үнэлэгддэг гэж боддог

• 36% нь стресстэй байдаг

• 26% нь сэтгэлийн түгшүүртэй тэмцдэг

• 20% нь ядарч ажлаас халшрах хам шинжтэй байдаг.

Дүгнэлт

Ажлын байрны тэтгэмж нь зөвхөн өнгөц урамшуулал биш юм. Байгууллагуудын хувьд энэхүү судалгаа нь хүний нөөцийн тэтгэмжийн стратегийг улам боловсронгуй болгож, шинэчилж, үе үеийн ажилтнуудын хэрэгцээ шаардлагад нийцэх хэрэгтэйг харууллаа.

Metacog сонин сайхан

Манай платформын UX/UI сайжирсан бөгөөд удаан хугацаанд ажилласан хиймэл оюун суурилсан бүтээгдэхүүнээ УДАХГҮЙ танилцуулах болно. 🤩🤭

Бидэнтэй уулзалт товлохыг хүсвэл энэ линк дээр дарна уу 👌

Хэрхэн хийх вэ?

Өнөөгийн хурдацтай, өрсөлдөөнт орчинд бүтээлч байдал нь асуудлыг шийдвэрлэхэд түлхэц өгөх үнэ цэнэтэй хөрөнгө болсон билээ. Ажлын байран дээрээ бүтээлчээр хандах нь шинэ шинэлэг шийдлүүдийг олох туслах чухал зүйл юм. Бүтээлч байдлын түгжээг нээж, инновацийн соёлыг төлөвшүүлэх зургаан үндсэн алхмыг энд оруулав.

1. Нээлттэй байх: Ажилчид нээлттэй сэтгэлгээтэй, олон янзын үзэл бодлыг хүлээн авч, уламжлалт сэтгэлгээг сорьсон санаа гаргах нь байгууллагын хувьд маш чухал. Ажилчдаас гарсан санаануудыг үнэлдэг орчинг бий болгосноор байгууллагууд багийнхаа хамтын бүтээлч сэтгэлгээг ашиглаж чадна.

2. Оюуны санааны дасгал хийх: Оюун санааг тайвшруулж, төвлөрлийг нэмэгдүүлэхийн тулд гүнзгий амьсгалах, бясалгал хийх, зураг зурах гэх мэт анхаарал төвлөрүүлэх дасгалуудыг хийхийг ажилтнууддаа сануулж байгаарай.

3. Тэмдэглэл хөтлөх: “Онгод“ нь ямар ч мөчид ирж болох тул санааг ирэх үед нь тэмдэглэж байх нь чухал юм. Бодол санаа, ажиглалт, боломжит шийдлүүдийг тэмдэглэхийн тулд дэвтэр эсвэл дижитал тэмдэглэл хөтлөхөд ажилчдаа сануулаарай.

4. Завсарлагаа авах: Өдөр тутмын ажилд ороход амархан байдаг ч тогтмол завсарлага авах нь бүтээлч сэтгэлгээг цэнэглэхэд маш чухал юм. Тиймээс ажилчдаа ажлын байрнаасаа холдож, алжаал тайлах үйл ажиллагаанд оролцохыг дэмжиж байгаарай.

5. Шинэ зүйлсийг турших: Бүтээлч байдал нь шинэлэг зүйл, шинэ туршилт дээр хөгждөг. Ажилчдаа тав тухтай бүсээсээ гарч, шинэ санаа, арга барил, арга техникийг судлахад нь зоригжуулаарай.

6. Бусадтай хамтрах: Хамтран ажиллах нь инновацийн тулгуур чулуу мэт юм. Багийн гишүүдийн олон талын ур чадварыг ашиглахын тулд багаар ажиллах, олон талт хамтын ажиллагааг дэмжих нь чухал.

Дүгнэж хэлэхэд, бүтээлч байдал нь зөвхөн хүсүүштэй шинж чанар биш харин энэ нь өнөөгийн хурдацтай хөгжиж буй ажлын байранд амжилтанд хүрэх амин чухал ур чадвар юм.

Зүгээр л тоглоод үз ✌️

Голын “+” тэмдэг рүү хараад хэдэн секундын дотор ягаан цэг алга болж байгааг таагаарай.

Бүх цэгийг алга болтол харахын тулд дунджаар 12 секунд шаардагддаг байна. Энэ бол “The Lilac Chaser“ гэж нэрлэгддэг optical illusion. Энэ нь 3 энгийн эффектийг (Phi Phenomenal, After image, Troxler’s fading) ашиглан 12 ягаан цэгүүдийг алга болж буйгаар харагдуулдаг optical illusion юм.

Hot News 📰

“Сингапурын Санхүүгийн дарга асан жирэмсэн байсан тул хууль бусаар ажлаасаа халагджээ.” 

Нягтлан бодох бүртгэлийн үйлчилгээ үзүүлэгчийн санхүүгийн албаны дарга асан Сингапурын дүүргийн шүүх түүнийг жирэмсэн байсан тул ажлаас нь хууль бусаар халагдсаныг тогтоосны дараа 122,000 гаруй доллароор хохирлыг барагдуулах шийдвэр гарчээ. унших

“Майкрософт компанийн Хүний нөөцийн дэд дарга: "Бидний эцсийн зорилго бол хүний нөөцийн илүү үр дүнтэй, үр ашигтай функцийг бий болгох явдал юм."” унших

“PwC Австрали томоохон бүтцийн өөрчлөлтөөр 300 гаруй ажилтнаа цомхотгож байна.”

PwC Австрали нь байгууллагынхаа бүтцийн томоохон өөрчлөлтийн хүрээнд 366 орон тоогоо цомхотгож байгаа тухай мэдээлсэн байна. Нийт 329 ажилтныг цомхотгож байгаа бол 37 нь тэтгэвэрт гарах ажилчид гэж 9News мэдээлэв.унших

Хэрэв танд Метаког Метриксийн 💻бэлдсэн newsletter таалагдсан бол ЭНД дарж нэгдээрэй 🤗! Мөн бидэнтэй уулзалт товлохыг хүсвэл энэ линк дээр дарна уу 👌