Oneplace.hr харилцагч та нартаа мэндчилж байна. Бид 7 хоног бүр тогтмол ✉️ newsletter явуулах болно. Манай newsletter “Таны мэдлэгт” “oneplace.hr сонин сайхан“ “Хэрхэн шийдэх вэ?“ “Зүгээр л тоглоод үз“ “Hot News“ хэсгүүд багтах бөгөөд уншин таалан соёрхоно уу 👀.

Таны мэдлэгт 🧠

Хэрхэн өөр өөр үеийхэнд зориулсан onboarding хийх вэ?

Бид түүхэнд анх удаа ажлын байранд 5 өөр үеийн төлөөлөл нэгэн зэрэг хамтран ажиллаж, харилцаж байгаа өвөрмөц нөхцөл байдалтай тулгарч байна. Бүх үе өөрсдийн онцлогтой бөгөөд харилцааны хэв маяг, ур чадвар, үнэ цэнтэй билээ. Ажлын байран дах ахмад үе болох Baby Boomers болон Gen X ихэвчлэн байгууллагын удирдлагын түвшинд байр сууриа эзэлсэн бол, Millennials дараагийн удирдагчид болохоор бэлтгэгдэж байгаа билээ. Харин хамгийн залуу үе болох Gen Z ажлын байранд шинээр хөл тавьж, цоо шинэ үзэл баримтлал, ажлын хандлагыг авчирч байна.

Олон үеийн төлөөлөлтэй ажиллах хүчний onboarding стратегидаа юуг анхаарах хэрэгтэй вэ?

• Хүчтэй харилцаа холбоо onboarding-ийн стратегийн төвд байх ёстой. Олон харилцааны сувгийг нээж, бүх харилцааны хэрэгслээ нэгтгэх нь чухал. Залуу ажилтнууд дижитал байдлаар буюу мессеж болон контентыг илүүд үздэг байхад, ахмад үеийнхэн нэг нэгтэйгээ уулзах, утсаар ярих, мэйл бичих, уламжлалт PowerPoint презентаци, гарын авлагыг илүү таатай хүлээж авдаг. Үүнийг анхаарч үзэх нь шинэ ажилтнуудтай илүү үр дүнтэй холбогдож, шаардлагатай мэдээллийг олон арга замаар хүргэх боломжийг олгоно. Үүний зэрэгцээ ажилтнуудынхаа санал бодлыг сонсож, тэдний хэрэгцээнд нийцсэн харилцааны орчныг бүрдүүлээрэй.

• Хамт олныг нэгтгэсэн байгууллагын соёлыг хөгжүүлэх. Ажилтнууддаа нийгэмших, хамтран ажиллах, бие биетэйгээ холбогдох боломжийг бий болгох нь чухал. Тиймээс байгууллага доторх эв нэгдлийг бэхжүүлэх арга хэмжээ зохион байгуулахдаа уян хатан, нээлттэй хандаж, багийн ажиллагааг дэмжих үйл ажиллагаануудыг хэрэгжүүлээрэй.

  Колумбын их сургуулийн судалгаагаар хүчтэй, бүх үеийнхэнд хүртээмжтэй соёлтой байгууллагуудын ажилтны эргэц ердөө 13.9% байдаг бол сул байгууллагын соёлтой байгууллагуудынх 48.4% хүрдэг байна.

• Менежерүүд бол onboarding-ийн амжилтын түлхүүр юм. Тэд зөвхөн ажилд орох эхний өдөр төдийгүй бүхэл карьерын туршид шинэ ажилтнуудаа чиглүүлэх, урамшуулах, хөгжүүлэх чухал үүрэгтэй. Тиймээс хэлтсүүдийн менежерүүдээ халамжилж, шаардлагатай бол зөвхөн тэдэнд зориулсан хөтөлбөрүүдийг санал болгоорой.

Onboarding-гийн үеээр анхаарах үе хоорондын онцлог шинжүүд:

BABY BOOMERS – 1946-1960-аад он

• Тодорхой процесс, тодорхойлолт чухал. Тэд зорилго руу чиглэдэг тул хүлээлтийг нь тодорхой ойлгуулах нь чухал.

• Шатлан захирах ёсыг дээдэлдэг. Тэднийг байгууллагадаа шинээр угтан авахдаа ахлах удирдлагуудыг оролцуулбал тэдэнд их таалагдана.

• Цахим харилцаанаас илүү нүүр тулсан уулзалтыг илүүд үздэг.

• Хүлээн зөвшөөрөлт тэднийг урамшуулж, идэвхжүүлдэг.

• Менторын үүрэг гүйцэтгэхдээ сайн.

• Уламжлалт үнэт зүйлстэй, хамт олноосоо хүндлэл хүлээхийг хүсдэг.

GEN X – 1960-аад оны дунд үеэс 1980-аад оны эхэн

• Тогтвортой байдал, хүлээн зөвшөөрөлт, урамшууллыг үнэлдэг.

• Нүүр тулсан харилцааг чухалчилдаг ч дижитал харилцаанд нээлттэй.

• Нарийн зааварчилгаа, хэт хяналтанд дургүй.

• Олон төрлийн харилцааны шинэ платформд түүртэх магадлалтай, уламжлалт хэрэгслүүдийг илүүд үздэг.

• Өөрөө суралцах боломжтой сургалтын процессийг илүүд үздэг.

• Уламжлалт onboarding-ийг хүлээн зөвшөөрдөг ч шинэ арга барилд нээлттэй.

• Менторын үүрэг гүйцэтгэх сонирхолтой, өөрсдийгөө багш гэж хардаг.

MILLENNIALS / GEN Y – 1980-аад оны эхнээс 1990-ээд оны дунд үе

• Бодит байдал, шинэчлэлийг эрхэмлэдэг.

• Нийгмийн харилцаа, оролцоог чухалчилдаг.

• Технологийн өндөр мэдлэгтэй, дижитал платформууд дээр идэвхтэй харилцдаг.

• Ажлын байрандаа утга учиртай зүйл хайдаг.

• Өөрсдийг нь дэмждэг, хөгжүүлдэг байгууллагадаа үнэнч байх хандлагатай.

• Уламжлалт onboarding тэдэнд тохиромжгүй санагддаг.

• Тоглоомчилсон сургалт, хамтын ажиллагааг чухалд тооцдог.

• Уян хатан байдал, бүтээлч сэтгэлгээ, ажлаа хөгжилтэй болгохыг хүсдэг.

• Шатлан захирах ёсыг бага үнэлж, илүү нээлттэй бүтэцтэй байгууллагыг эрхэмлэдэг.

• Менежерүүдийг зөвхөн удирдагч бус, ментор гэж үздэг.

• Шинэ зүйл сурах хүсэлтэй, санал хүсэлт (feedback) авахыг үнэлдэг.

GEN Z – 1996 оноос хойш

• Богино, энгийн харилцааны хэв маягийг илүүд үздэг.

• Цахим орчны төрөлх хэрэглэгчид тул шинэ харилцааны платформуудад хурдан дасан зохицдог.

• Хялбар, хурдан хандаж болох мэдээллийг жижиг дэлгэцээр авахыг илүүд үздэг.

• Шууд үр дүн харах хандлагатай тул тоглоомчилсон сургалт үр дүнтэй байдаг.

• Олон талт байдал, шинэ туршлагад нээлттэй.

• Ажлын орчны ёс зүй, соёлд суралцаад явж байгаа үеийхэн.

Дүгнэлт

Олон үеийн ажиллах хүчийг амжилттай удирдах, олон талт чадварлаг ажилтнуудыг татахын тулд ажилтнуудаа удирдах шинэ арга барилыг нэвтрүүлэхэд бэлэн байх шаардлагатай болоод байгаа билээ. Тиймээс шинэ ажилтан бүрдээ тохирсон дасан зохицох үйл явцыг тоглоомжуулахыг хүсвэл манай Oneplace.hr платформыг үнэгүй 3 хоног туршиж үзээрэй👉🏻 ТУРШИЖ ҮЗЭХ. Мөн бидэнтэй уулзалт товлохыг хүсвэл энэ линкээр ороорой.

Oneplace.hr сонин сайхан

Бид Viber-тэй хамтран ажиллахаар боллоо!🎉

Манай байгууллага албан ёсоор Viber-тэй хамтын ажиллагаагаа эхлүүлж, Viber chatbot хөгжүүлэхээр боллоо.

Энэ хамтын ажиллагаа нь бидэнд хэрэглэгчидтэйгээ илүү ойр байх, илүү шуурхай харилцах боломжийг олгох юм. Тун удахгүй бид Viber-д chatbot-оо нээж, илүү үр ашигтай үйлчилгээг хүргэх болно!

Манай платформтой танилцаж бидэнтэй уулзалт товлохыг хүсвэл энэ линкээр ороорой.

Хэрхэн шийдэх вэ?

Эдгээр кейс судалгаанууд нь уншигчдад хүний нөөцийн менежментийн олон талт асуудлуудыг ойлгох, шийдвэрлэхэд практик зөвлөмж, санаа өгөх болно. Бидний зорилго бол танай байгууллагын хүний нөөцийн үйл ажиллагааг илүү үр дүнтэй, бүтээмжтэй болгоход хувь нэмэр оруулах юм.

Кейс 6: IBM компани хэрхэн хүн төвтэй (empathy-based) алсын зайн onboarding хийсэн бэ?

АСУУДАЛ: COVID-19 цар тахал IBM-ийн дасан зохицох хөтөлбрыг бүрэн алсын зайн горимд шилжүүлэх шаардлагатай болгосон. Өмнөх биечлэн явагддаг хөтөлбөр хэрэгжих боломжгүй болж, шинэ ажилтнууд нь ч багийн хамт олноосоо хөндий болох, ачаалал ихсэх, дэмжлэггүй үлдэх эрсдэлтэй байлаа. Үүний улмаас ажилтнуудын оролцоот байдал нь буурах, бүтээмж унах магадлалтай болсон байв. Гол асуудал нь шинэ ажилтнуудыг угтан авч, нэгтгэн, амжилттай ажиллахад нь дэмжлэг үзүүлэх явдал байв.

ШИЙДЭЛ: IBM нь onboarding үйл явцыг зүгээр л цахим хэлбэрт оруулахын оронд илүү бодлоготой, хүн төвтэй арга барилыг сонгож дараах шинэчлэлүүдийг хийв:

• Шинэ ажилтнуудын сэтгэлзүйн хэрэгцээг нэн тэргүүнд тавьж, холбоо тогтоох, хувь хүний дэмжлэг үзүүлэхэд анхаарлаа хандуулсан.

• Ажилтнуудын онцлогийг харгалзан, onboarding үйл явцыг уян хатан, шинэ ажилтны онцлогт тохирсон байдлаар боловсруулсан.

• IBM нь уламжлалт процессыг цахим хэлбэрт оруулахын оронд, цахим орчинд тохирсон шинэ арга барил нэвтрүүлсэн.

ҮР ДҮН: IBM-ийн хүн төвтэй алсын зайн onboarding нь шинэ ажилтнуудад илүү дэмжлэгтэй, холбоотой мэдрэмж төрүүлж, оролцоот байдлыг нэмэгдүүлэн, алсын зайн горимд амжилттай шилжих боломжийг бүрдүүлсэн.

Хэрэв та тодорхой сэдвээр кейс судалгаа уншихыг хүсвэл эсвэл өөрийн байгууллагын туршлагаас хуваалцахыг хүсвэл манай сошиал хаягууд руу холбогдох боломжтой. Oneplace.hr 

Зүгээр л тоглоод үз ✌️

"Classify this"

"Classify this" нь багийн гишүүдийн хамтын ажиллагаа, бүтээлч сэтгэлгээг хөгжүүлэх зорилготой үйл ажиллагаа юм. Энэ дасгал нь 8-16 хүний ​​бүрэлдэхүүнтэй багууд тоглох бөгөөд 20-30 минутын хугацаанд явагдана.

Тоглоомын дүрэм:

Оффист байдаг 20 орчим зүйлсийг (кофены хэрэгсэл, цаасан жин, усны сав гэх мэт) нэг дор цуглуулна. 2-4 хүнтэй жижиг бүлгүүдэд хуваагдаад баг бүр эд зүйлсийг хамтдаа судалж, хоорондоо хэрхэн ижил төстэй болохыг олж тогтооно. Багийн төлөөлөгч сонгогдож, өөрсдийн ангиллын логикийг тайлбарлана.

Энэхүү тоглоом нь багаар сэтгэх, харилцааны чадвар, логик сэтгэлгээг хөгжүүлж, багийн уур амьсгалыг эерэг болгоход тусална.

Hot News 📰

“Google компани арьс өнгөөр ​​​​ялгаварлан гадуурхалтаас болоод 28 сая доллар төлөхөөр боллоо.”

Google компани арьс өнгөөр ялгаварлан гадуурхсан гэх ангиллын нэхэмжлэлийг шийдвэрлэхийн тулд 28 сая ам.доллар төлөхөөр тохиролцжээ. Мөн тус компани жил бүрийн цалингийн тэгш байдлын аудитын үйл ажиллагаагаа хөдөлмөрийн эдийн засагч болон үйлдвэрийн сэтгэл зүйчээр хянуулахыг зөвшөөрсөн байна. линк

“Тайландын Засгийн газар тэтгэвэрт гарах насыг нэмэгдүүлэх талаар хэлэлцэж байна.”

Энэ нь хүн амын насжилт, ажиллах хүчний хомсдол зэрэг асуудлыг шийдвэрлэх зорилготой юм. Тэтгэвэрт гарах насыг нэмэгдүүлэх нь тэтгэврийн тогтолцооны санхүүгийн ачааллыг бууруулж, эдийн засгийн өсөлтийг дэмжих ач холбогдолтой гэж үзэж байна. линк

“Siemens дэлхий даяар 5600 ажилтнаа цомхотгохоор болжээ.”

Германы технологийн конгломерат Siemens компани дэлхий даяар 5,600 ажлын байрыг цомхотгохоор төлөвлөж байгаагаа зарлалаа. Эдгээрийн ихэнх нь Digital Industries салбарын ажилтнууд бөгөөд зөвхөн Германдаа гэхэд л 2,600 ажлын байр хасагдана. Энэхүү цомхотгол нь 2027 оны санхүүгийн жилийн эцэс гэхэд хэрэгжиж дуусах төлөвтэй байна. Үүний шалтгаан нь Хятад болон Германы зах зээл дэх эрэлт бууралт, өрсөлдөөний дарамт нэмэгдсэнтэй холбоотой гэж компани мэдэгдэв. линк

Хэрэв танд oneplace.hr-ийн 💻бэлдсэн newsletter таалагдсан бол ЭНД дарж нэгдээрэй 🤗! Мөн бидэнтэй уулзалт товлохыг хүсвэл энэ линк дээр дарна уу 👌