Oneplace.hr харилцагч та нартаа мэндчилж байна. Бид 7 хоног бүр тогтмол ✉️ newsletter явуулах болно. Манай newsletter “Таны мэдлэгт” “oneplace.hr сонин сайхан“ “Хэрхэн хийх вэ?“ “Зүгээр л тоглоод үз“ “Hot News“ хэсгүүд багтах бөгөөд уншин таалан соёрхоно уу 👀.

Таны мэдлэгт 🧠

Соёлын судалгаа болон Пульс судалгаа хоёрын ялгаа

Хүний нөөцийн ажилтан бол байгууллагынхаа болон ажилтнуудынхаа эрүүл ахуйг сайжруулах, хадгалахад гол анхаарлаа хандуулдаг мэргэлжилтэнүүд юм. Гэвч ажилтнуудын хэрэгцээ шаардлагыг асуухгүйгээр амжилтанд хүрэхэд шаардлагатай нөөцөөр дэмжиж чадах эсэхээ хэрхэн мэдэх боломжтой вэ?

Эрүүл ажлын орчинг бүрдүүлэхийн тулд танай баг байгууллагынхаа зүрхний цохилтыг мэдэрч байх хэрэгтэй. Байгууллагын зүрхний цохилт гэдэг нь богино пульс судалгаанууд юм.

Пульс Судалгаа /Pulse Survey/ гэж юу вэ?

Пульс судалгаа гэдэг нь хүний нөөцийн багууд байгууллагын нөхцөл байдлыг бодит цаг хугацаанд хянах зорилгоор хийдэг давтамжтай, богино мини судалгаа юм. Пульс судалгаа нь мэдээлэл цуглуулан үр дүнг цаг тухайд нь шинжлэх боломжтой аргачлал юм.

"Пульс" гэх үг нь илүү ойр давтамжтай гэдгийг илтгэх бөгөөд эдгээр судалгаанууд нь байгууллагын хамт олны нийтлэг сэтгэл санааг мэдэрч, сэтгэл ханамж, ажил, амьдралын тэнцвэр, эрүүл мэнд, байгууллагын соёл, харилцаа гэх мэт асуудлууд дээрх ажилчдын хандлагыг тодорхойлоход тусалдаг.

Пульс судалгааны үндсэн үүрэг нь ажилчдын оролцоог хэмжих, сайжруулах явдал юм. Уг судалгаа нь бодит цагийн фидбэк-г өгч, ажилчдын асуудлыг хурдан тодорхойлж, шийдвэрлэхэд тусалдаг. Энэ нь ажилчдыг сонсох, ил тод байдал, итгэлцлийн соёлыг төлөвшүүлдэг бөгөөд энэ нь компанийн соёлыг сайжруулахад нэн чухал юм. Ажилчдын дунд өндөр түвшний харилцаа холбоо тасрах нь ажилчдыг сонсож, үнэлдэг гэдгээ мэдэрснээр бууруулж, улмаар эргэлтийн хэмжээг бууруулж чадна.

Пульс судалгаа болон соёлын судалгаа

Ихэнх байгууллагууд ажилтнуудын хэрэгцээ, асуудлыг илрүүлэхийн тулд хагас жил эсвэл жил бүрийн оролцоот байдлын судалгааг ашигладаг. Соёлын буюу Оролцоот байдлын судалгаа нь байгууллагын талаарх ажилтнуудын ерөнхий сэтгэгдлийг ойлгоход тустай байдаг ч бодит цаг хугацаанд ажилтнуудад юу хэрэгтэй мөн тэдний сэтгэл ханамжийг мэдэхэд Пульс судалгаа тусалдаг. Пульс судалгааны зарим давуу талууд:

• Холбогдох байдал: Пульс судалгаа нь тодорхой сэдвүүдэд төвлөрч, цаг үеийн асуудлуудад түргэн хариу өгөх боломжийг олгодог. Ингэснээр асуудлууд томорч, ажилтнуудыг алдах эрсдэл үүсэхээс өмнө хариу үйлдэл үзүүлэх боломжтой болдог.

• Оролцоо: Пульс судалгаа нь цөөн асуулттай учир судалгаанд оролцох нь өндөр байх боломжтой. Пульс судалгааны программ хангамжийг манай oneplace.hr платформоор шийдсэнээр өдөр тутмын ажлын явцад тоглоом дээр суурилсан пульс судалгаанд хариулахад сонирхолтой мөн хялбар байх болно.

• Үргэлжлэх чанар: Пульс судалгааг тогтмол, тухайлбал, долоо хоног, сар бүр эсвэл өөр тохиромжтой давтамжтайгаар явуулан судалгаанд оролцдог тогтмол байдлыг бий болгодог. Энэ тогтмол байдал нь жилд нэг удаа хийдэг оролцоот байдлын судалгаа зэрэг том цар хүрээтэй, ховор хийгддэг судалгаануудын хоорондын завсрыг нөхөж, ажилтнуудын ёс суртахуун, сэтгэл ханамж болон бусад гол үзүүлэлтүүдийг тогтмол хянах боломжийг олгодог.

Пульс судалгаа болон удирдлагын үүрэг

Пульс судалгаанд удирдлагын үүрэг чухал бөгөөд энэ нь ажилчдын оролцоо, итгэлцэл, байгууллагын өсөлтөд нөлөөлдөг.

• Чухал байдлыг харуулах, ач холбогдлыг тайлбарлах: Удирдлагууд пульс судалгааг дэмжиж, сурталчилснаар байгууллагын хувьд түүний чухал ач холбогдлыг онцлон харуулдаг. Энэхүү дэмжлэг нь оролцоог ихэсгэж, үнэнч хариу өгөхийг дэмжих боломжтой.

• Хариуцлагаа харуулах: Удирдлагууд санал хүсэлтэд хариу үйлдэл үзүүлж, өөрчлөлт хийх нь ажилчдын итгэлийг нэмэгдүүлдэг. Судалгааны үр дүнд үндэслэн тодорхой сайжруулалтуудыг хийхээ нээлттэйгээр зарласнаар удирдлагууд ажилтнуудад үнэнч санал хүсэлтээ хуваалцах боломжийг олгодог.

• Тасралтгүй сайжруулалтын соёлыг дэмжих: Удирдлагууд санал хүсэлтийг тасралтгүй авч, хэрэгжүүлэх соёлыг бий болгож болно. Пульс судалгааг зөвхөн асуудлыг илрүүлэх хэрэгсэл гэж бус, тасралтгүй сайжруулалтын хэрэгсэл гэж үзэх боломжтой.

• Сэтгэл зүйн аюулгүй байдлыг бүрдүүлэх: Удирдлагууд ажилтнуудын санал хүсэлтийг сонсож, хүндэтгэснээр сэтгэл зүйн аюулгүй ажлын байрыг бүрдүүлдэг.

Дүгнэлт

Пульс судалгаанд удирдлагын үүрэг нь зөвхөн мэдээлэл цуглуулахад биш, харин санал хүсэлт нь тасралтгүй сайжруулалт, өсөлтийн хурдасгуур болж хувирах орчныг бүрдүүлэхэд оршдог. Пульс судалгааны үйл явцад хөрөнгө оруулалт хийснээр удирдлагууд ажилтнуудынхаа сайн сайхан байдал, байгууллагын урт хугацааны амжилтыг хангахад анхаарлаа хандуулж буйгаа харуулдаг.

Ирэх долоо хоногт "Үр дүнтэй Пульс судалгаа үүсгэх нь" сэдвийн талаар оруулах бөгөөд илүү ойлгомжтой, оновчтой асуултуудыг хэрхэн боловсруулах талаар дэлгэрэнгүй оруулах болно.

Oneplace.hr сонин сайхан

Манай Oneplace.hr платформын Пульс судалгааг танилцуулж байна. Судалгаа явуулахдаа 4 төрлийн тоглоомоос сонгон ажилтнууд руугаа явуулах боломжтой:

1. Emoji: Ажилтанд өгөгдсөн асуултууд сэтгэл хөдлөлд суурилсан emoji ашиглан үнэлгээ өгөх боломжтой.

2. Zuma: Асуултыг 1-5 хооронд үнэлэх ба сонгож буй хугацааг тоолдог тул эргэлзээ төрүүлж буй асуултыг мэдэх боломжтой.

3. Runner: Шувууг гүйх хугацаанд асуултад 1-5 хооронд үнэлгээ өгөх ба шийдвэр гаргалт нь ажилтны анхны сэтгэгдлээр гарах тул үнэн бодитой хариулт авах боломжтой.

Хамгийн сүүлд нэмэгдсэн Slider тоглоом нь 0-10 хооронд eNPS судалгаанд ашиглагдах боломжтой

Бидний бэлдсэн загвар асуумжаас сонгон явуулах боломжтойгоос гадна өөрсдийн асуумжаа ч үүсгэх боломжтой юм шүү 😉

Манай платформтой танилцаж бидэнтэй уулзалт товлохыг хүсвэл энэ линкээр ороорой.

Хэрхэн хийх вэ?

Хэрхэн пульс судалгаа хийх хэрэгтэй гэдгээ мэдэх вэ?

Ажлын байранд ажилтнуудаасаа пульс судалгаа авах хэрэгтэйг илтгэх гол шинжүүд:

1. Ажилтнуудын оролцоо буурах: Хэрэв ажилтнуудын идэвх, бүтээмж, оролцоо буурч байгаа бол тэдний сонирхол, урам зориг дутмаг байж болзошгүй.

2. Ажилтнуудын ажлаа орхин явах элбэг байх: Ажилтнууд байнга ажлаа орхиж байвал дотоод сэтгэл ханамжгүй байдал эсвэл байгууллагын соёлтой нийцэхгүй байгаа шинж тэмдэг байх боломжтой.

3. Харилцаа холбоо муу байх: Удирдлагаас тодорхой мэдээлэл авч чадахгүй эсвэл санал бодлоо илэрхийлэх боломжгүй санагдаж байгаа ажилтнуудын асуудлыг пульс судалгаа илрүүлж чадна.

4. Ирц буурах: Ажилтнуудын ирц буурах нь стресс, сэтгэлээр унах эсвэл сэтгэл санааны түвшин буурсан байж болохыг илтгэнэ.

5. Байгууллагын өөрчлөлт их гарах: Нэгдэл, бүтцийн өөрчлөлт, бодлогын өөрчлөлтүүд гарах үед ажилтнууд хэрхэн дасан зохицож байгаа эсэхийг пульс судалгаа ашиглан мэдэж болно.

6. Шинийг санаачлах болон хамтран ажиллах чадвар буурах: Бүтээлч байдал, багийн ажиллагаа буурах.

Пульс судалгаа нь байгууллагын нөхцөл байдлыг хурдан бөгөөд үр дүнтэй үнэлж, том асуудалд хүрэхээс өмнө асуудлыг илрүүлэхэд тусалдаг.

Зүгээр л тоглоод үз ✌️

Сүүлийн 30 Секунд

"Сүүлийн 30 секунд" бол багийн гишүүдийг холбодог сэтгэл хөдлөм тоглоом юм. Хүний нөөцийн удирдлага хувьд та багийн гишүүдээсээ аз жаргалтай, сэтгэл догдлуулсан, эерэг дурсамжуудыг санахыг уриалаарай. Гишүүдэд хамгийн сайхан дурсамжаа бодоход хангалттай хугацаа өгөх хэрэгтэй. Бүгд дурсамжуудаа эргэн санасны дараа, амьдралынхаа сүүлийн 30 секундэд дахин тэр мөчөө мэдрэхийг хүссэн нэг дурсамжыг сонгоно. Энэхүү тоглоомд хариулж чадсан гишүүд бусадтайгаа холбоо үүсгэж, үнэт дурсамж болон түүхээ хуваалцаснаар илүү дотно болох боломжтой юм.

Hot News 📰

“Японд ажлын улмаас сэтгэцийн эмгэгтэй болсон ажилтнуудын тоо дээд цэгтэй хүрчээ.”

Ажлын улмаас сэтгэцийн эмгэгтэй Япон ажилтнуудын тоо дээд амжилт тогтоож, 883 тохиолдол бүртгэгдсэний 79 нь амиа хорлосон, 216 нь ажил хөдөлмөртэй холбоотой тархи, зүрхний өвчин туссан байна. Олон ажилтнууд долоо хоногт 60 гаруй цаг, ялангуяа тээвэр, хүнсний үйлчилгээ, барилга зэрэг салбарт ажиллаж байна. линк

“Ниссан компанийн гүйцэтгэх захирал цалингаа 50 хувиар бууруулжээ.”

Nissan компани бүтцийн өөрчлөлт, зардлыг бууруулах ажлын хүрээнд дэлхий даяар 9000 ажилтнаа цомхотгож байна. Тус компани үйлдвэрлэлээ 20%-иар бууруулахаар төлөвлөж байгаа бөгөөд тогтмол зардлаа 300 тэрбум ¥, хувьсах зардлыг 100 тэрбум ¥-аар бууруулахаар зорьж байна. Үүний хариуд гүйцэтгэх захирал Макото Учида манлайллын хариуцлагаа харуулахын тулд цалингаа 50 хувиар бууруулжээ. линк

“KFC Индонез олон худалдааны цэгүүдийг хааж, хоёр мянга гаруй ажилтнаа цомхотгожээ.”

KFC Индонез компани санхүүгийн томоохон алдагдал хүлээсний улмаас 47 цэгээ хааж, 2274 ажилтнаа халжээ. Хоол хүнс, ундааны борлуулалт буурсан гэж мэдээлсэн нь юуны түрүүнд COVID-19 тахлын удаан үргэлжилсэн нөлөөллөөс шалтгаалж байна. 2024 онд KFC-ийн дэлгүүрийн тоо 762-оос 715 болж буурч, ажиллах хүчин нь 2024 онд бараг 16,000-аас 13,700 гаруй ажилтан болж цөөрсөн. линк

Хэрэв танд oneplace.hr-ийн 💻бэлдсэн newsletter таалагдсан бол ЭНД дарж нэгдээрэй 🤗! Мөн бидэнтэй уулзалт товлохыг хүсвэл энэ линк дээр дарна уу 👌